‘N’capu ‘u chianu ‘e San Giuseppe
cc’è lla porta de ‘na casa
ndù ‘i cristiani a fivarìallu…
chine escia e chine trasa

Viacchji grandi e piccirilli
‘n’chiana e scinda d’’u scavune
‘na Madonna e tri jurìlli
a ‘na cona d’’u purtune‘E ‘hinestre su’ jurère
de gerani e campanelle
de garofani a mazzùllu
‘ncatrizzàti a carruccelle….

…Caru Dutture…quandu passu ‘u chianu
E viju ‘a casa tua sempre ‘nchiuvàta
Me ven’’a mente quandu spavancàta
Era’ ricìattu de mavatu e sanu

Divìsu a tia chi scindi ‘su scavune
Minutu chi parìe ‘nu pulicinu
Ccù ‘lla borsetta ‘n’cap’’u marroncinu…
Bongiornu! Te dicìa’ tutt’’u riune

Mò ‘a porta è chiusa e ppè tte salutare
Revùatu l’umbre d’’i ricordi mia
Pecchì ‘nu postu aju sarvatu a tia
Assiami a tutte le persune care

Criscìvi all’umbra de ‘su campanaru
E ttu partìe ccù sule e ccù nivera
A ddà cumpùartu quandu male c’era…
A n’uaminu… a ‘na vecchia …a ‘nu quatraru

Sutta ‘se manu sù passati tutti
Chi ppè cunzigliu e chine ppè duvure…
Ia ‘n’cuallu a Mamma jìa’ ndò llu dutture
stròppiu alle gambe e ccù lli vrazza rutti

 né pràca né carrùavu de muntagna
e né stratella persa de campagna…
capìzzu ‘e lìattu ndò te sì assettatu

‘A ricchia c’’u d’’a mai negatu dìanza
a ‘nu lamiantu ‘e giuvane e d’anzianu
miadicu ‘e core…miadicu alla manu…
onestu allu dovere e dde cuscìanza

Miraculi nd’ha’ ‘hattu puru tuni
Ma ‘u nd’ha’ circatu mai nulla ricchizza
Senza superbia e sìsitu ‘e grandizza
Riasti ‘ntr’’u core ‘e viacchi e dde guagliuni

Sa porta ndù abbussàva’ ‘nu ‘mbriacu
‘na mamma ccù llu ‘higliu ‘ncap’’u sinu
Zà Cicca… zù Nicova e n’don Pippinu…
Mò resta’ chiusa a tuttu quant’’u Vacu

Ed’ia cù’ ‘hazzu a mme scurdare ‘e tia ?!
Chi ‘n’capu ‘a pena nun ‘mbarràsti mantu
‘ntr’’a l’uacchji tua due lacrime de chiantu
quandu ha ‘bburvùtu l’uacchji Mamma mia

Caru Dutture…l’anni su’ passati
E lle parove chi ‘su core dice
‘un vastanu a tte ‘hare ‘na curnice
ca ‘u quatru è dde culuri meritati

Ed ogne cosa scritta ‘un duna’ vuce
Né duna’ vita quandu ‘a vita manca
Ma è sulu ‘nchiostru ‘n’capu carta janca
Chi duna’ a n’umbra n’attimu de luce…..

…‘N’cap’’u chianu ‘e San Giuseppe
cc’è lla porta de ‘na casa
ndù ‘i cristianu ‘u fanu rota…
nullu escia e nullu trasa…