A vote ‘u Patreternu puru sbaglia:
L’avìa’ circatu ‘nu core de petra
Ed illu tùastu mi l’ha fattu e paglia…

E nun c’è statu viarsu e m’’u cangiare
‘u chiamu ancora oje e ‘u mme respunda’
Me lassa’ cù ‘na varca mmianzu mare
Assuggicàta allu capricciu ‘e l’unda

Damme ‘na petra allu postu d’’u core
C’un c’è putìssi azzàru de scarpìallu
E nulla scheggia nd’arrancàssi fore
Vidìandu ‘a ‘hame de ‘nu guagliuniallu

Damme ‘na petra quandu la Madonna
Vestuta e mamma li capilli stràzza
S’asciùcadi le lacrime alla gonna
Ppè chillu ‘higliu muartu intra li vrazza

Damme na petra ca nu d’ha respiru
Chi ‘u d’ujjhia cù ‘na spugna alli turmianti
E nun se stringia quandu vida n’giru
Du mundu li cchjù amari patimianti

Damme na petra surda ad’ogne vuce
Chi nun ventàssi mazza e né martiallu
Né punte ‘e chiuavi chi mintanu n’cruce
‘e pene ‘e n’atru Cristu povariallu

Damme na petra chi nun fùassi grìta
Chi ‘un s’ha dde spullicàre alla raggiune
De chine dorma ‘ntr’’a linzuvi ‘e sita
E chi sutta nu ponte a ‘nu cartune

Damme na petra senza janca vìtta
Chi ‘hùassi suvu ‘e nìvuru culure
ppè ccè cumpùnde l’odiu e lla mindìtta
e lla disperazione e llu duvure


Damme ‘na petra c’’a puazzu mantene
C’’u mme ‘hacìssi zumpi intra lu piattu
Quandu all’amici chi l’ha ‘hattu bene
Te minanu alli spalli ppè dispìattu

Damme ‘na petra chi viantu ‘u sse ‘mpèsa
Ca ‘un vuagliu cchjù ‘ngratìzze ppe ricordu
A debbitu ‘u restàssidi l’offesa
E lla pagare ccù llu stessu sordu

‘Na petra ndò la guccia ‘un càva grùpu
Chi a chine ‘a vò de piacura trattare
‘i dianti le mustràssi cù’ ‘nu vupu…
E cù’ ‘nu vupu pronte a muzzicare

Damme ‘na petra…pùmice chi sìa
Chi alla vivanza me gravàssi leggia
Ca si ha dde tene puru ‘i sbagli mia
L’anima tantu pisu nu llu règgia…

A vote ‘u Patreternu puru sbaglia:
‘nu core ‘e petra ia l’avìa’ circatu
Ma illu tùastu mi l’ha datu ‘e paglia
Chi ppè d’ogne cariòva è appicciàtu…